NƏHƏNG MAKULYAR YIRTIQ ZAMANI TORLU QİŞANIN AUTOTRANSPLANTASİYASI (KLİNİK HAL)
Açar sözlər
vitreoretinal cərrahiyyə, makula, nəhəng makulyar yırtıq, tor qişanın autotransplantasiyasıXülasə
Məqsəd – makulanın nəhəng yırtığı olan xəstənin müalicəsində torlu qişanın autotransplantasiyasının tətbiqi üzrə təcrübəmizi nümayiş etdirmək.
Material və metodlar
54 yaşlı pasiyent görmə itiliyinin əhəmiyyətli dərəcədə azalması, əşyaların formasını qəbul etməkdə çətinlik və mərkəzi skotomanın olması ilə müraciət etdi. Əməliyyata qədər maksimal korreksiya olunmuş görmə itiliyi 0,02 idi. Optik koherent tomoqrafiya (OKT) 1248 mikrometr diametrli nəhəng makula yırtığını aşkar etmişdir. Pasiyentə perftororganik mayedən istifadə etməklə nəhəng makulanın yırtığı sahəsinə bimanual torlu qişa autotransplantasiyası aparıldı və ardınca silikon yağı ilə tamponada icra olundu.
Nəticələr
Müəlliflər münaqişələrin (maliyyə, şəxsi, peşəkar və digər maraqları) olmamasını təsdiqləyirlər.
Perftororganik autotransplantasiyası həm anatomik, həm də funksional baxımdan uğurlu oldu. Bu, obyektiv müayinələrin nəticələri ilə təsdiqləndi və metodun nəhəng makulanın yırtığının müalicəsində effektiv ola biləcəyini göstərdi. Makula zonasının perimetriyası müsbət dinamikanı göstərdi. Əməliyyatdan sonrakı ilk gündə maksimal korreksiya olunmuş görmə itiliyi 0,3-ə qədər artdı. Bir ay sonra fundus mənzərəsi sabit qaldı, transplantatın dislokasiyası müşahidə olunmadı. OKT transplantatın davamlı yapışmasını təsdiqlədi və perimetriya nəticələri müsbət dinamikanı qorudu. Görmə itiliyi əldə edilmiş səviyyədə qaldı ki, bu da metodun yüksək effektivliyini və görmə reabilitasiyası üçün əlverişli proqnozu göstərir.
Yekun
Torlu qişanın autotransplantasiyası üzrə təcrübəmiz bu metodun nəhəng makulyar yırtıqlarının müalicəsində effektiv olduğunu, həm anatomik, həm də funksional nəticələrin əhəmiyyətli dərəcədə yaxşılaşdırılmasına imkan verdiyini göstərir.
