ТРАБЕКУЛЯРНАЯ АСПИРАЦИЯ В КОМБИНАЦИИ С ФАКОЭМУЛЬСИФИКАЦИЕЙ КАТАРАКТЫ У БОЛЬНЫХ С ПСЕВДОЭКСФОЛИАТИВНЫМ СИНДРОМОМ

Xülasə

İşin məqsədi: Psevdoeksfoliativ sindromu (PES) olan xəstələrdə fakoemulsifikasiya zamanı aparılan bimanual
trabekulyar aspirasiyanın (TA) kliniki effektivliyinin qiymətləndirilməsi.

Material və metod
Prospektiv müqayisəli təhlili aparılmıs PES və katarakta ilə 19 xəstə (20 göz) iki qrupa
bölünüb. Birinci qrupda fakoemulsifikasiya ilə yanaşı TA, ikinci qrupda isə- standart fakoemulsifikasiya aparılıb.
Göz daxili təzyiqin (GDT) azalması; mərkəzi görmə funksiyası, postoperativ fəsadların rast gəlmə tezliyi
qiymətləndirildi.

Alınmış nəticələr
Postoperativ müşahidə vaxtı orta hesabla 7.5 həftə idi. Əməliyyatdan öncə GDT orta
hesabla birinci qrupda (10göz)18.5 mmHg, ikinci qrupda (10 göz) isə 17.8 mmHg təşkil edib. Əməliyyatdan sonra
son kontrol GDT orta hesabla birinci qrupda 10 mmHg, ikinci qrupda isə 15.4 mmHg qədər azalmışdır. Erkən
postoperativ GDT-in artması (>21 mmHg) 3 gözdə izlənildi. TA aparılan xəstələrin 20% dessemetolizis, 30% isə
qan refluksu müşayiət olunmuşdur.

Yekun
Psevdoeksfoliativ sindromu olan xəstələrdə fakoemulsifikasiya zamanı aparılan trabekulyar aspirasiya
kliniki əhəmiyyət daşıyır və aşağı gözdaxili təzyigi əldə edərkən psevdoeksfoliativ qlaukomanın əmələ gəlməsinin
riskini azaldır.