BİRİNCİLİ ANADANGƏLMƏ QLAUKOMANIN AĞIR FORMALARINDA GEN MUTASİYALARI (ƏDƏBİYYAT İCMALI)

Xülasə

Birincili anadangəlmə qlaukoma nadir rast gəlinən inkişaf qlaukoması olub, körpəlik dövründə və 3 yaşa qədər inkişaf edir. Əsasən autosom resessiv xarakterdə ötürülür, buna görə də qohumluq əlaqələri çox olan ölkələrdə/populyasiyalarda daha çox rast gəlinir. Məqalədə indiyə qədər aşkarlanmış, birincili anadangəlmə qlaukomanın patogenezində iştirak edən gen mutasiyaları haqqında müxtəlif ədəbiyyatların icmalı təqdim olunur. Gen mutasiyalarının öyrənilməsi gələcəkdə anadangəlmə qlaukomanın müalicə taktikalarının seçilməsində mühim rol oynaya bilər.