ОЦЕНКА ВЛИЯНИЯ САХАРНОГО ДИАБЕТА НА ПАРАМЕТРЫ РОГОВИЦЫ, ОСНОВАННАЯ НА ПОКАЗАТЕЛЯХ ШЕЙМПФЛЮГ КАМЕРЫ

Xülasə

Məqsəd – Şeympfüq kamerası vasitəsilə ölçülən buynuz qişa parametrlərini şəkərli diabet xəstələri ilə sağlam nəzarət qrupu arasında müqayisə aparmaqdır.

Material və metodlar
Tədqiqata 25 diabetik xəstə (13-ü qadın,12-si kişi) və 25 sağlam pasiyent (10-u qadın,15-i kişi) cəlb olunmuşdur. Diabetik və nəzarət qrupu olmaqla 2 qrup ayırd edilmişdir. Şeympfüq kamera vasitəsilə çəkilmiş buynuz qişanın mərkəzi qalınlığı (BQMQ), keratometriya dəyərləri (K orta və K maksimal), buynuz qişanın həcmi (BQH), ön kameranın dərinliyi (ÖKD), ön kameranın həcmi (ÖKH), buynuz qişanın ön və arxa diklik göstəriciləri, şaquli asimmetriya, yerüstü dispersiya, mərkəzi keratokonus indeksi, hündürlük asimmetriyası, dikliyin mərkəzdən qaçma indeksi, minimum radius indeksi Pentagam göstəricilərinə baxılmışdır. Həmçinin endotel hüceyrə sayı (EHS) da qeyd olunmuşdur. Alınan nəticələr qiymətləndirilmiş və 2 qrup arasında müqayisə edilmişdir.

Nəticə
Kmaks (P=0.03) və minimum radius RM (P=0.04) parametrlərinin qruplar arasında fərqinə görə diabetik qrupdakı buynuz qişalar əhəmiyyyətli dərəcədə daha dikdir. Digər göstəricilərdə buynuz qişanın məkəzi qalınlığı (BQMQ), ÖKD, ÖKH, Korta, BQH, ön-arxa diklik, EHS və buynuz qişanın variasiya parametrləri arasında heç bir statistik əhəmiyyətli fərq yoxdur.

Yekun
Şeympfüq kamera vasitəsilə çəkilən buynuz qişanın keratometriya və radius göstəricilərinə şəkərli diabet təsir edir.