ФУНКЦИОНАЛЬНАЯ АКТИВНОСТЬ СЕТЧАТКИ ПРИ СОЧЕТАНИИ ДИАБЕТИЧЕСКОГО МАКУЛЯРНОГО ОТЕКА С ЭПИРЕТИНАЛЬНОЙ МЕМБРАНОЙ

Xülasə

Məqsəd – diabetik makulyar ödem və epiretinal membran ilə pasiyentlərdə tor qişanın mərkəzi zonasının funksional aktivliyini qiymətləndirmək.

Material və metodlar
Pasiyentlər iki qrupa bölünmüşdür. Diabetik makulyar ödem və epiretinal membran ilə ii tip şəkərli diabeti olan 46 nəfər (46 göz) A qrupunu (əsas) təşkil etmişdir. B (kontrol) qrupa oftalmopatologiyası olmayan 22 sağlam könüllü şəxslər (46 göz) daxil olmuşdur. Tor qişanın funksional dəyişikliklərinin analizi mikroperimetriya məlumatlarına görə yerinə yetirilmişdir.

Nəticə
Epiretinal membran ilə müştərək diabetik makulyar ödem ilə pasiyentlərin görmə funksiyalarının təhlili göstərmişdir ki, tor qişanın daha funksional mərkəzi zonasının işığa həssaslığının yekun göstəricisi kontrol qrup ilə müqayisədə orta hesabla 9,15 dB enmişdir və 9,95±1,09 dB (р=0,028) təşkil etmişdir. Tor qişanın funksional aktivliyinin daha ifadə edilmiş enməsi mərkəzi şöbələrində qeyd olunmuşdur. Belə ki, 3-cü sektor ilə müqayisədə 1-ci sektorda işığa həssaslıq 2,45 dəfə (р=0,014), 2-ci sektor ilə müqayisədə – 2,03 dəfə (р=0,021) aşağı olmuşdur.

Yekun
Tor qişanın mərkəzi zonasında diabetik dəyişikliklərin formalaşması zamanı işığa həssaslığının təyini mühüm diaqnostik əhəmiyyətə malikdir və patoloji prosesin erkən inkişaf mərhələlərində aşkarlanmasına imkan verir.