HERPES VİRUSLARI İLƏ MÜŞTƏRƏK İNFEKSİYALAR FONUNDA YARANMIŞ UVEİTİN GEDİŞİNİN VƏ NƏTİCƏLƏRİNİN QİYMƏTLƏNDİRİLMƏSİ

Abstract

Məqsəd – herpes virusları ilə müştərək infeksiyalar fonunda yaranmış uveitin gedişinin və müalicəsinin nəticələrinin təhlili.

Material və metodlar
Tədqiqata 2015-2020-ci illər ərzində uveit diaqnozu ilə stasionar müalicəyə daxil olan müxtəlif koinfeksiya ilə 27 pasiyent daxildir. Nəticələr
Xəstələr 26-69 yaş arası olmuşlar. Onlarda hepatit B (9 nəfər), hepatit C (7 nəfər), solğun treponema (9 nəfər), İİV (1 nəfər), hepatit B+C (1 nəfər) virusları aşkarlanmışdır. Ən çox ilkin müraciətlər 2018-ci ildə (29,7%), ən çox residivlə təkrar müraciətlər isə 2020-ci il pandemiya zamanı (28,1%) olmuşdur. Uveit viral mənşəli, lokalizasiyasına görə ön uveit (23 nəfərdə - 85,2%) olmuş və iltihab daha çox bir gözü əhatə etmişdir (OD-48%, OS-30%). Görmə itiliyinin müalicədən sonra artımı hepatit B və hepatit C daşıyıcılarında ortalama 26% və 25%, solğun treponema daşıyıcılarında ortalama 50 % təşkil etmişdir.
Yekun:
• Koinfeksiya daşıyıcıları olan xəstələr əmək qabiliyyətli şəxslər olmuşlar.
• Pandemiya zamanı residivlərin artması müşahidə olunmuşdur.
• Koinfeksiyalar fonunda baş vermiş uveit viral mənşəli olub lokalizasiyasına görə ön uveit (85,2%) üstünlük təşkil etmiş və iltihab daha çox bir gözü əhatə etmişdir (OD-48%, OS-30%).
• Virus hepatiti və solğun treponema daşıyıcıları olan uveit xəstələri, yanaşı İİV daşıyıcısı olmamış, hazırkı dövrdə əlavə göz fəsadları verməmiş və görmə proqnozu yüksək olmuşdur.