РЕЗУЛЬТАТЫ КОРРЕКЦИИ АФАКИИ МЕТОДОМ ИМПЛАНТАЦИИ ИНТРАОКУЛЯРНЫХ IRIS-CLAW ЛИНЗ В ЗАДНЮЮ КАМЕРУ

Abstract

Məqsəd - uzunmüddətli tədqiqatda İris-claw intraokulyar linzanın retropupillyar implantasiyasının texnikasını, təhlükəsizliyini və effektivliyini qiymətləndirmək.

Material və metodlar
2012-2017-ci illərdə akad. Zərifə Əliyeva adına Milli Oftalmologiya Mərkəzində Artisan Aphakia Model 205 linzalar implantasiya olunmuş 30 xəstə (30 göz) bu tədqiqata daxil olmuşdur. Onlardan 19 – kişi, 11 – qadın olmuşdur. Xəstələrin yaşı 5-70 yaş arasında olmuşdur. Əməliyyatönü məlumatlardan afakiyanın etiologiyası, görmə itiliyi (korreksiyasız və korreksiya ilə), biomikroskopiya, gözdaxili təyziq, refraktometriya, ön kameranın dərinliyini və gözün əks oftalmoskopiyası qeyd olunmuşdur.

Nəticə
Pasiyentlərin müşahidə dövrü 6 aydan 6 ildək olmuşdur. Əməliyyatdan sonra korreksiya olunmamış gormə itiliyinin orta göstəricisi 0,4±0,21, korreksiya olunmuş görmə itiliyinin isə 0,72±0,32 təşkil etmişdir. Korreksiya olunmuş görmə itiliyi 25 (83,3%) xəstədə qalxıb, 5 (16,6%) xəstədə isə əməliyyatdan əvvəlki korreksiya olunmuş görmə itiliyi ilə üst-üstə gəlmişdir. Ağırlaşmalardan gözdaxili təzyiqin tranzitor qalxması, İOL üzərində presipitatların olması, bəbəyin ovallaşması, kistoz makulyar ödem qeyd olunmuşdur.

Yekun
Yuxarıda göstərilən uzunmüddətli tədqiqatın nəticələri göstərmişdir ki, İris-claw intraokulyar linzaların implantasiyası kapsulyar aparatının dəstəyi olmayan afakiyanın korreksiyasında təhlükəsiz və effektiv üsuldur. Kliniki gediş əlverişli, funksional nəticələr yüksək səviyyədədir.