КЛИНИЧЕСКИЕ ОСОБЕННОСТИ ВТОРИЧНОЙ ОФТАЛЬМОГИПЕРТЕНЗИИ ПОСЛЕ ИНТРАВИТРЕАЛЬНОЙ ИНЪЕКЦИИ ТРИАМЦИНОЛОНА АЦЕТОНИДА У ПАЦИЕНТОВ С ТРОМБОЗОМ ЦЕНТРАЛЬНОЙ ВЕНЫ СЕТЧАТКИ И ЕЁ ВЕТВЕЙ

Xülasə

İşin məqsədi. Tor qişanın mərkəzi venasının və onun şaxələrinin trombozu olan xəstələrdə intravitreal
triamsinolon asetonid (İVTA) inyeksiyasmın nəticəsində əmələ gələn steroid mənşəli oftalmohipertenziyanın
(SOH) kliniki xüsusiyyətlərini öyrənmək.

Material və metod
İVTA (4 mq/0,1 ml) aparılmış tor qişanın mərkəzi venasının və onun şaxələrinin trombozun
fonunda yaranmış makulanın ödemi olan 24 xəstənin 24 gözünün retrospektiv təhlili aparılıb. Göz daxili təzyiqi
(GDT) və onun yüksəlmə dərəcəsi; antiglaukomatoz terapiyanın tələbliyi və müddəti; medikamentoz müalicəyə
refrakter olan və antiglaukomatoz əməliyyatının aparılmasını tələb edən SOH və steroid qlaukomanın rast gəlmə
tezliyi.

Alınmış nəticələr
İVTA inyeksiyasmdan sonrakı müşahidə vaxtı orta hesabla 8,71 ± 1,40 ay idi. İnyeksiyadan
öncə GDT SOH aşkarlanmayan və SOH aşkarlanan xəstələrdə orta hesabla 13,05 ± 0,88 mmHg və 12,90 ± 0,87
mmHg. İVTA-dan sonrakı GDT-in artma dərəcəsi orta hesabla 10,32 ± 1,17 mmHg (5.5-16.3) təşkil etdi. 33,3%
hallarda orta dərəcəli «steroid reaksiya» aşkar olundu. İstifadə olunan antiglaukomatoz medikamentlərin sayısı orta
hesabla 1,60 ± 0,24 olmuşdur və müşahidə aparılan zaman heç bir xəstədə antiqlaukomatoz cərrahi əməliyyatının
aparılmasına göstəriş olmadı.

Yekun
Tor qişanın mərkəzi venasının və onun şaxələrinin trombozu olan xəstələrdə İVTAdan sonra SOH
41,7% hallarda müşahidə oluna bilər, artmış GDT hipotenziv medikamentoz rejim altında tənzimlənir. Əksər
hallarda orta dərəcəli «steroid reaksiya» aşkar olunur.