ЗНАЧЕНИЕ УЛЬТРАЗВУКОВОЙ БИОМИКРОСКОПИИ (УБМ) ПРИ УВЕИТ- ГЛАУКОМА - ГИФЕМА (УГГ) СИНДРОМЕ (СИНДРОМ ЭЛЛИНГСОНА)
Açar sözlər:
ultrasəs biomikroskopiya, intraokulyar linzanın dislokasiyası, uveit-qlaukoma-hifema, artifakiyaXülasə
Məqsəd – Artifakiya ilə pasiyentlərin müayinəsi zamanı İOL dislokasiyasını və göz almasının ön kamerası strukturları nisbəti onların elementlərinin vəziyyətini aşkar etmək üçün ultrasəs biomikroskopiyanın (UBM) diaqnostik dəyərini qiymətləndirmək.
Material və metodlar
Ultrasəs biomikroskopiya müayinəsi Ellinqson sindromunun inkişafına şübhə olduqda yerinə yetirilirdi. İmplantasiya müddətləri, İOL-ın xüsusiyyətləri nəzərə alınmırdı. Tədqiqatlar standart metodika üzrə (Pavlin C. İ) Accutome UBM Plus (ABŞ) cihazında aparılmışdır. Müayinələr 6 ay ərzində 80 pasiyent (80 göz) üzərində aparılmışdır. Orta yaş həddi 66±0,3 (40 yaşdan 89 yaşa kimi)təşkil etmişdir.
Nəticə
Ultrasəs biomikroskopiya müayinəsi zamanı alınmış kapsula kisəsi nisbətində İOL-ın optik hissəsi və qaptik elementləri, qüzehli qişanın arxa hissəsi, sinn bağları, siliar cisim hissələri vəziyyəti haqqında məlumat dürüstdür və xəstənin düzgün aparılması taktikasını, lazım gəldikdə isə cərrahi müdaxilənin həcmini və üsulunu (İOL vəziyyətinin korreksiyası, eksplantasiya və s.) seçməyə imkan yaradır.
Yekun
Ultrasəs biomikroskopiya müayinəsini İOL dislokasiyası ilə pasiyentlərdə strukturların mexaniki travmatizasiyanı törədən elementlərin qeyri-düzgün vəziyyətini aşkar etmək məqsədilə yerinə yetirmək məsləhət görülür.
