MİKROİNVAZİV VİTREKTOMİYA CƏRRAHİYYƏSİ (ƏDƏBİYYƏT İCMALI)
Açar sözlər:
mikroinvaziv vitrektomiya, 20 gauge vitrektomiya, 23 gauge vitrektomiya, 25 gauge vitrektomiya, 27 gauge vitrektomiyaXülasə
Hər bir cərrahiyyə sahəsində təkmilləşdirilmənin məqsədi ilk növbədə cərrahi travmanın azaldılması, daha sürətli sağalma və beləliklə, daha yüksək funksional nəticələrin əldə edilməsidir. Cərrahi kəsiyin ölçüsünün azaldılması toxuma travmasının azaldılması və sağalmanın sürətlənməsi yollarından biridir. Gözün ön seqmentinin cərrahiyyəsində geniş kəsikli katarakta cərrahiyyəsindən fakoemulsifikasiyaya və tikişsiz cərrahiyyəyə keçid həm cərrahiyyə müddətinin və intraoperativ ağırlaşmaların riskinin azaldılmasında, həm də sağalma müddətinin qısaldılmasında və funksional nəticələrin yaxşılaşmasında inqilabi rol oynamışdır. Vitrektomiya cərrahiyyəsində də ənənəvi tikişli 20 gauge [qeyc] cərrahiyyədən kiçik kəsikli cərrahiyyəyə keçid eyni məqsədi daşımaqdadır.
