ВЛИЯНИЕ НИЗКОИНТЕНСИВНОГО ЭЛЕКТРОМАГНИТНОГО ИЗЛУЧЕНИЯ НА ОКИСЛИТЕЛЬНЫЙ СТРЕСС В ХРУСТАЛИКЕ ГЛАЗА (экспериментальное исследование)
Abstract
Perspektivdə kataraktanrn inkişafının qarşısını almaq məqsədi ilə desimetr diapazonunda elektromaqnit şüalanmasının göz büllurunda oksidləşdirici stresin səviyyəsinə təsiri tədqiq edilmişdir. Eksperimental oksidləşdirici stress 3 aylıq ağ siçovullardan ayrılmış büllur nümunələrində oksidləşdiriji agentin - hidrogen peroksidin təsiri altında yaradılmışdır. Billur toxumalarında oksidləşdirici stresin səviyyəsi lipid peroksidləşməsi məhsullarının və reduksiya olunmuş tiolların miqdarı ilə qiymətləndirilib. Göstərilmişdir ki, billurun tərkibində 1 mM H2O2 olan fizioloji məhlul mühitində 1 saat müddətində inkubasiyası yolu ilə yaradılmış mülayim okisdləşdirici stress onun aşağı intensivlikli elektromaqnit şüalanmasının (460 MHz, 10 mkVt/sm2) təsirinə məruz qalması nəticəsində praktik olaraq aradan götürülür. Bunu billurun nüvə və qabıq hissələrində lipid peroksidləşməsinin zəifləməsi və müxtəlif növ tiolların miqdarının bərpası sübut edir. Tədqiqatın nəticələri fizioterapiyada yeni bir yanaşmanın, kataraktanrn mikrodalğa antioksidant profilaktikasının inkişafı üçün əsas verir.
